"ఆనంద నందనం"-రాఖీ

ఒళ్ళంతా

గులాబీ సుకుమారం

చెంపల్లో కెపుల మంకెనలు

కళ్ళలో కలువల వలలు

నవ్వులో కురిసే మల్లెలు

నాసిక ఒదిగిన సంపంగి

పెదాల్లో అందాల మందారాలు

పలుకుల్లో పారిజాత ఘుమఘుమలు

కురుల వంకీల్లో నీలాంబరాలు

వదనం కమల సదనం

చూపుల్లో చామంతులు

బుగ్గసొట్టల్లో బంతులు

మెడవంపుల్లో నిద్రగన్నేరులు

నడుము మడతలో నందివర్ధనాలు

నాభిలో నాజూకు సన్నజాజి

పూవుల బుట్టవే నీవు

సుమసమ దిట్టవే నీవు

ఏపూలని నీకై నే తేను..?!

తనువంతా

నీవలంకరించుకోను!!