"పరువం-మరువం"

నిన్నే..,
వలపువాకిట్లో
ఏన్నాళ్ళని
ఎదిరి చూడను..?!
జ్ఞాపకాలు
కాలుకాలిన
పిల్లులై
మనసును
చిందరవందర చేస్తుంటే
ఎన్ని మురిపాలని
తాపను..!

విరహంతో
ఒళ్ళు సలసల
కాగిపోతుంటే
పట్టించుకోవేం..

ఓయ్..
వింటున్నావా
మంట బెట్టడమేనా
మంచి గంధం
పూయడమేమన్నా ఉందా..

నేను చితిచేరినా
నీ సమ్మతి దొరకదేమో
చెలీ
నీ పాదాలక్రింద
నను పారిజాత పువ్వై
నలిగిపోనీ

గోదారి తీరాల
వెన్నెల
రేయిలో
వేగుచుక్క(?)నై
వెలిగిపోని

నీదిండునై
నన్నుండిపోనీ
సెలవిక నేస్తమా

ఎప్పటికీ
ఇలా ఊహల్లోనే
కాపురముందాం
మనసు
మనసుతోనైనా
ఊసులాడుకుందాం..!

(ఇప్పటి భావకవిత్వం శైలిలో రాసాను.,
ఇలాగైనా పాఠకులకు చేరువౌతానేమో చూడాలి..
అలవోకగా రోజూ ఓ పదికి తగ్గకుండారాయొచ్చు కాస్త అటూఇటూ గా ...)