"ముట్టుడెలా..?!"

నెలసరి నెలతకు ఓ నలత

అదో ప్రకృతి సహజ రుగ్మత

పగలంతా యంత్రంగా

రేయంతా రతికేళి మాత్రంగా

నలిగే మహిళకు 

ఆ మూడురోజులూ ఆటవిడుపు

అత్యవసరమైతే మినహా 

తానో పొడసూపని పొద్దుపొడుపు

ఆచారం ఆసరాగా ..పవిత్రత పారిశుద్యంగా

అంటరాకపోవడం ఓ వెసులుబాటు

విధిలేక చేసే విధినిర్వహణం

మది మాత్రం అతలాకుతలపు ఆక్రమణం

ఆ తరుణాన తరుణికి శారీరక మానసిక రణం

చాదస్తమో దుష్ట సాంప్రదాయమో ఐతే అవని

దూరంగా ఉంచడం,ముట్టనీకపోవడమే సరైనపని

మహిళావాదులూ మరచిన వాస్తవం ఇది

అభ్యుదయం పేరిట నేడూ స్త్రీ హక్కులకు సమాధి