"కలల తీరం"

ఓయ్..!

నీది నీలోకం నాది నాలోకం

మన మనసులు మాత్రం మమేకం..

మొత్తానికి లోకానికి

మనమో పిచ్చిమాలోకాలం

కాలం లోలకం..

మన వాలకమెరుగదు

ఎంత ఆగమన్నా ఆగదు

ఐతేనేం యుగాలు మారినా 

మన దాహంతీరదు మోహం ఆరదు

 

దూరంతో మనకెందుకు వైరం

నా మదిలో నీవు నీమదిలో నేను దూరాక

కనులు మూస్తే నువ్వు కలల్లోనూ నువ్వే

కానీ నీ తలపులతో నిదుర కాస్తా పరార్

వెతలతో కలతలతో

ఎలా కలవను రాని కలలో

రా వచ్చేసెయ్

బంధాలు బంధనాలు త్రెంచుకొని

సాగిపోదాం చేతిలో చెయ్యుంచుకొని