"విరి కారులు"

పువ్వు నా కవిత్వం..!

అది రకరకాల రూపాల్లో

మల్లెలా చిన్నదిగా 

ఆనక పోవచ్చు

గులాబిలా సొంతం చేసుకోబోతే 

రాలిపోవచ్చు

మొగలి రేకులా ఆకళింపు చేసుకోలేకపోతే 

గుచ్చుకోవచ్చు..!!

ఐతేనేం దారంటి వెళ్ళే బాటసారుల చిత్తాన్ని 

ఆక్రమించక తప్పదు తావిలా.,ఇలా...

శిశిరానికి వణికిన తరులకు

దనివారగ కప్పిన  ఆకుల దుప్పటి 

ఆమని..!!

గ్రీష్మంలో కాలిన పుడమికి

లేపనమై కురిసిన నవనీతం 

శ్రావణి..!!

వలపుల రేపిన వెన్నెల

తమకపు తపనల తీర్చిన మదన మంత్రం 

హేమంతం..!!