Tuesday, March 20, 2018


మన్మధ జననం

కలం ఉలికి పడింది...ఉగాది వచ్చేసింది ఆనవాయితీగా కవిత రాయాలి కదా అని,
వెదుకులాట మొదలైంది వస్తువు కోసమని..
ఆరాటం సారథి అయ్యంది మనోరథానికి,

లౌక్యం యుక్తి సూక్ష్మం బోధించింది,ఎన్నాళ్ళుగా నో రాస్తున్నావ్ ఆ మాత్రం తెలీదా అని,
ఆరు రుచుల జీవితం,
ఆరు ఋతువుల కాలం
ఇదే కదా ఉగాది మర్మం
ఇదే కదా ఉగాది కవితా వస్తు ధర్మం!

మధు మాస మకరందం,కోయిల గానం- తీయ దనం
గ్రీష్మ ఋతు మండే తాపం ,భానుడి ప్రతాపం-కార గుణం
వర్షాకాల పుడమి ప్రసవం,జల ధారల గగనం -ఉప్పుకి తార్కాణం
యువ జంటల కలల వలపు పంటల శరత్కాలం-
వగరుకు చిహ్నం
కౌగిలింతల వింతల చింతల హేమంతం -పులుపుకు ఆలవాలం
అహరహర విరహ అనురాగ శిశిరం-చేదుకు ఆలంబనం

 జీవన వనంలో ప్రతి ఉదయం ఉగాది ఆగమనం!
తీపి చేదూ కలయికలో ప్రతి క్షణం "మన్మధ "జననం మరణం!!

No comments:

Post a Comment