"ఆకలే కులం యాచనే మతం"

బతకడానికి బహుముఖ వేషాలు

కడుపు చేత పట్టుకుంటె చేయలేరు మోసాలు

శుక్రవారం వచ్చిందంటే తయారు ఊదు సాయెబు

చిన్నపాటి అట్టముక్కతో .,ఊదుపాత్రలో పొగరాజేస్తూ...

ఆ కూడలిలో రెడ్ సిగ్నల్ పడీపడగానే 

పరుగుపరుగున వచ్చి,ప్రతికార్లోకీ ధూపం ఎగదోస్తూ..

లక్ష్యం యాచనే ఐనా ,చేయిసాచి అడగడు

రూపాయి ఇచ్చినా ఇవ్వకున్నా ,పొగవేయడం మానడు

ఇవ్వడం సంగతి అటుంచి

కారు దొరల రకరకాల వ్యాఖ్యలు, ఈసడింపులు

"నమ్మరాదు బై టెర్రరిస్టులు వీళ్ళు",ఒక భద్రతాధికారి తానే ఐనట్లు

"అరె జావ్ జావ్ ఔర్ కోయీ కామ్ నహీ",ఎంప్లాయ్మెంట్ ఆఫీసర్లా కామెంటు

"హిందువులని అడగడమేంటో",ఒక మతప్రవక్త ఉవాచ

"టోటల్ సిటీ ఆల్ బెగ్గర్స్. హౌ పిటీ",ఒక సంస్కర్త ఆవేదన

"సారీ బాస్ చుట్టా నహీ,ఓన్లీ టూథౌసండ్ నోట్",దానకర్ణుడి నిస్సహాయత..,

అనాధలకేదీ  కులం మతం..

ఆకలికేదీ అభిమానం,అభిమతం

అన్నీటికీ సాయబుదొకటే సమాధానం

"అల్లా ఆప్కో భలా కరేఁ "...!