"గుండెలో గులాబి ముల్లు"-డా.రాఖీ

ప్రేమా నిజాయితీ
కవలపిల్లలు.,
నమ్మిక నుండే కదా అవి పుట్టేది..

నువ్వున్నావ్ చూడూ..
ప్రేమ నీకో నవ్వులాట
ప్రేమించుకోవడం ఓ బొమ్మలాట..

అశలు రగిలిస్తావ్. ..
వలపులు రంగరిస్తావ్
వెర్రివాడిలా నీవెంటబడితే
కన్నెరజేస్తావ్...,
నేను మ్రాన్పడిపోయి
తప్పుకునేంతలో
నీ చిరు నవ్వులనెరవేసి
మచ్చిక చేసుకొంటావ్..

నిజమెరిగే తరుణాన
జీవితమే కనుమరుగవదూ..
నాగతి చితైతేనేం
నా మృతి నిను
అనుక్షణం వెంటాడే
స్మృతిఅవడం ఖాయం..

ఇకనైనా మనసుకు
మలాం పూయవూ
చెలీ..
గాయాన్నిపుడైనా
నయం చేయవూ..!!