Thursday, December 13, 2018

కాల కవనం

వరి దరిజేర్చి జనవరి..!
తేవాలి జనజీవనాన తరగని సిరి..!!

శివ పరవశ  ఫిబ్రవరి..!
చిగురించనీ ఎదల మానవీయ గురి..!!

పరీక్షల సెగల మార్చి..!
చెమరించనీ హృదయమును దయగమార్చి..!!

చైత్ర చిత్రాల ఏప్రిలు
కుసుమించ'నీ'కు'ముదము పంచనీ సుధలు..!!

దాహమేమనజాల'మే..!
తరించనీ తమకాల., గ్రోల ఆమ్రరసమే..!!

తొలకరి చినుకుల జూన్..!
తడిపి, నేల అక్షర బీజం మొలకెత్త..!!

ఉద్యమించనీ కృషి జూలై..!
తలపించగ నదులూ చెర్లూ  గర్భిణులై..!!

పచ్చదనం పరచు ఆగస్టు..!
ప్రకృతి పరవశించి ప్రజల దీవించేట్టు..!!

రైతు మురియ సెప్టెంబరు..!
శరత్తుకు ఆయత్తమవగ కలువరేడు..!!

అలై బలైలతొ అక్టోబరు..!
 బతుకమ్మ దసరా సరదాలు తయారు..!!

చీకటి  చిదిమే నవంబర్..!
వెలుగుల దీపావళి కాలవాలమై..!!

చలి పులి చెలి డిసెంబరు..!
మార్గళి దీక్షకు జడిసి,తోకముడిచీ..!!