అసాధ్యం-నా మది దుర్భేద్యం

అవును ప్రతీదీ నీ ఇష్టమే-
ఇల్లొదిలీ ఊరొదిలీ వెళ్లిపోతావ్....
అంతా నీ అభీష్టమే-
రాష్ట్రాన్నీ దేశాన్నీ దాటిపోతావ్...
కబుర్లాడుతూనే మర్యాదకైనా-
చెప్పాపెట్టకుండా జారుకుంటావ్...
పేరూ వేషమూ భాషామార్చుకుంటావ్..
విలాసమూ మరే సమాచారమూ- దాచుకుంటావ్
అచూకి అసలే తెలీకుండా-
అన్ని జాగ్రత్తలూ తీసుకుంటావ్....
అయితేనేం నేస్తమా..!
నా హృదయం నుండి-
మాయమవడం నీకు సాధ్యమా..?