ప్రేమ సంకేతం

ప్రేమ సంకేతం
నీ ఊసెత్తగానే మనసులో స్ఫురిస్తాయి
నవపారిజాతాలు
నీ ఊహ రాగానే హృదయంలో వెల్లు వెత్తుతాయి
రమ్య జలపాతాలు
నీ తలపు మెరవగనే మదిలో నినదిస్తాయి
భవ్య సంగీతాలు
నీ స్మృతి మెదలగనే ఎదలో పురివిప్పుతాయి
ఆహ్లాద మయూరాలు
కనులు మూస్తే స్వప్నాలు
’కల’వరిస్తే సత్యాలు?!
ఇంతకన్నా ఏంకావాలి ఋజువులూ సాక్ష్యాలు!
ఎలా తెలుపగలగాలి ప్రేమ కొలమానాలు,సంకేతాలు!!